Hosto umelduen kafe usaina
Espaloiari negarra dario
arrakaletatik,
jausi diren tanta mardulen
tristezia medio.
Isilik daude kaleak
euri jasaren zaratapean.
Gurpil soinuak
uretan,
trafiko argien distira
putzuetan.
Guardasolak
zarratzen dituzte,
autobus geltokietako
aterpe azpietan,
urrun joan nahi luketen
bidaiariek.
Gabardina soinean,
hosto umelduen artean
balantzaka,
gorputz astunek
hartu dute
lanera bidea.
|
Ordu aldaketak
argitu ez duen
astelehen goiza
desafiatzen dute
oraindik lo dauden
gazteek.
Udazken lurrin
ezin gozoagoa du
auzoko tabernako kafeak.
Baina, arima ezkorrei
kosta egiten zaie
detaile txikiez
gozatzea.
Negu usaina duten
uda osteko egunen omenez.
.Kontuke |