. KONTUKE

Mezuak

Data honetako argitalpenak ikusgai: apirila, 2019

Erakutsi guztiak

Ezinegonaren noraeza

Pendulu baten balantza

etengabea

oreka puntua pasatuz

behin eta berriz.

Iparrik gabeko orratza

geldiezina

edozein puntutara seinalatuz

une oro.

Neronen bizitza

egunerokoa

neure tokia bilatuz

beti.

.Kontuke

Jarraitu irakurtzen»

Inoiz iratzarriko naiz

Imajinatzen dut goiz bat

non zure bizkar biluziari begira esnatzen naizen.

Laztanez josten dut orduan goiza,

eta zure loak

isilean hitz egitera gonbidatzen nau.

Marrazten dizut bizkarra egunon esanez.

Nire ermamien balantzan iratzarri zara.

Konturatu gaberik

jarraitzen dut isilean idazten.

Muxu gozoak tarteko.

Egunsentiko azken ametsak

esaldi bat utzi dit zuretzat.

Bizkarrera kontatuko dizut

aurpegira esateko adorerik ez dudan hori:

'Gauak zutaz hitz egin dit...'

Irribarre zintzo batek ihes egin dizula somatu dut.

Asmatzaile fina zara.

'...kemena emanez

ausart nadin esatera:

Maite zaitut.'

.Kontuke

Jarraitu irakurtzen»