Espero zintudan

Eguzkiari printz gaziak darioz

ene aurpegi umelduan.

Arratsak eguna iraganarazi nahi duen artean

ortzemugatik keinuka dabilkit.

Penak lehortu nahi balizkit bezala 

biharra baino lehen.

Txio azkarrak,

zaunka urrunak,

giza pauso ziurrak,

nork berearekin darrai.

Atseden hartzeko gonbitea emanaz

ezkutuan gorde nahi ditu 

hain bere diren berotasuna eta argitasuna.

Zeru urdina da 

bere azken arrastoa.

Bederatzi kanpai hots.

Burumakur agurtu dut gaurko eguna,

zure hutsak eragindako minaz.

.Kontuke

PD. Egia, guztia ez dela poesia;

poesia guztia ez dela egia.