Ataramiñe
Esku bik elkar hartu dute
elkar laztandu dute
kristalaren alde bietan.
Begi gazien dardara,
irribarre gozoaren zirrara,
sahietsartean eztanda
eta eskuen laztana
kristalaren alde bietan.
Garikoitz Arruarte 2004.04.15.
Mila kilo zorion
Doinua: Xarmengarria zira “Mila kilo zorion dizugu eskaintzen, beste urte berri bat duzulako hasten. Baietz asmatu zenbat dituzun betetzen, zergatik ez ditugu txaloka kontatzen?” I Bat, bi, hiru, lau, bost, sei... Umeak ginela, paradoxa goxo bat ez al zen pastela? Putz egiten genuen kandelaz kandela, ametsak pizten ari bagina bezela. II Bostekin sei kandela desio ditugu, ta hemeretzirekin hogeiren aiduru. Baina adin batetik gorantza seguru, beti bat gutxiago nahi izaten dugu. III Bizikletak, panpinak, jostailuzko trenak... Lehen ilusioz hartzen genituen denak. Orain ostera dira opari onenak, paperarekin batu ezin daitezkeenak. IV Bi ta bi, hogeita bi urte betetzean, telefonoak jotzen zuen bakoitzean, dardara bat sentitzen nuen bihotzean, norbait nitaz oroitu zela pentsatzean. V Zorionak, muxuak, ta mezu andana, gutxik zuzentzen ditu ondokoengana. Jaio...
Iruzkinak
Argitaratu iruzkina