_Banintz, nintzateke_

Doinua: ETA-ren su etenetik

Gaztetatik berezia

bereziegi baliteke,

nire lekua aurkitzeko

hamaika apuru ta neke.

Ez dut ukatzen agian

nire erruz izan daiteke,

besteek gustuko dutenak

inoiz ez bainau ni bete.

Baina nik neu izan nahi dut

nahiz ta ez atera merke,

ez dudalako bizi nahi

inguruko denen menpe,

besteek nahi dutena banintz

hiltzen joango nintzateke.

 Iker Elortegi